Bakı. Ənvər Məmmədov - Trend:
Rusiya İxrac Mərkəzinin (RİM) Azərbaycanda fəaliyyət göstərən Rusiya şirkətlərinə dəstək üzrə portfeli təqribən 500 milyon dollar təşkil edib.
Trend-in məlumatına görə, bunu "Rusiya İxrac Mərkəzi" Şirkətlər Qrupunun rəhbəri Pyotr Fradkov mərkəzin Azərbaycandakı nümayəndəliyinin açılışı mərasimində deyib.
Onun sözlərinə görə, bu vəsaitlər iqtisadiyyatın müxtəlif sahələrinə yönləndirilib:
“Bu həm dəmiryol maşınqayırması, həm nəqliyyat sahəsində layihələr, həm də Azərbaycana investisiyaların dəstəklənməsidir. Bununla belə, biz başa düşürük ki, bizim potensialımız daha yüksəkdir. Bu nümayəndəliyin açılması onu göstərir ki, biz təkcə iri şirkətləri yox, həm də kiçik və orta biznes nümayəndələrini dəstəkləməkdə davam edəcəyik”.