Bakı. Trend:
"Azəriqaz" İstehsalat Birliyi ölkə ərazisində təbii qazdan istifadə zamanı itkiləri açıqlayıb.
Trend-in məlumatına görə, qurumun baş direktoru Ruslan Əliyev bildirib ki, 2022-ci ilin yanvar-mart ayları ərzində qaz itkisi 7,6 faiz olub.
"Ötən ilin eyni rübü ilə müqayisədə isə bu itki 2,2 faiz az olub. 2022-ci ilin mart ayında qaz itkisi 9 faiz olub ki, bu rəqəm də ötən ilin eyni dövrü ilə müqayisədə 1.8 faiz azalıb", - deyə Baş direktor bildirib.
Onun sözlərinə görə, ölkədə qazdan istifadəyə görə yanvar-mart ayları üzrə yığım 94,5 faiz olub: "Bunlardan əhali üzrə yığım 92 faiz, qeyri-əhali üzrə isə 98 faiz olub. Ötən ilin eyni dövrü ilə müqayisədə bu il yığım 19 faiz artıb. Bu artım əhali sektoru üzrə 2,8 faiz, qeyri-əhali üzrə 35,5 faiz olub".