Bakı. Trend:
Yunanıstan-Bolqarıstan interkonnektorunun (IGB) layihə şirkəti ICGB AD qaz nəqli üzrə müstəqil operator qismində sertifikatlaşdırılıb.
Bu barədə Trend-ə şirkətdən bildiriblər.
Qeyd olunub ki, sertifikatlaşdırma qərarı Bolqarıstanın və Yunanıstanın milli enerji tənzimləyiciləri EWRC və RAE qurumlarının rəhbəri Stanislav Todorov və Afanasios Daqumas tərəfindən təqdim olunub.
Sertifikatlaşdırma proseduru uğurla başa çatdıqdan sonra ICGB Bolqarıstanda qaz nəqli üzrə ikinci müstəqil operatoru olacaq. İki qurumun yekun birgə qərarı ilə IGB-nin kommersiya istismarına verilməsi üçün bütün tənzimləyici tələblər yerinə yetirilmiş hesab olunur.
Xatırladaq ki, IGB Azərbaycanın “Şahdəniz-2” yatağından hasil edilən təbii qazı Bolqarıstana çatdıracaq.
(Tərcümə: Orxan Nəbiyev)