Azərenerji SC 2006-cı ildən Xaçmazda 330/110 kV yarımstansiyanın tikintisi layihəsinin gerçəkləşdirilməsinə başlamaq niyyətindədir.
Bu barədə Trend ə SC-də bildirilib.İlin sonunadək idarə layihənin məsləhətçisini müəyyən etmək və podratçının seçilməsi üçün tenderin keçirilməsi üzrə sənədləri hazırlamaq niyyətindədir.
Sentyabrın 1-də AR prezidenti İlham Əliyev İslam inkişaf bankı (İİB) tərəfindən Xaçmazdakı yarımstansiyanın tikintisi üçün respublika hökumətinə kreditin verilməsinə dair sazişi təsdiq edib.
Öncə bildirilmişdi ki, Azərbaycan parlamenti sentyabrın 1-də keçirilən plenar iclasında İİB-dən bu layihə üzrə kreditin alınmasını bəyənib.
Layihənin gerçəkləşdirilməsi respublikanın 500 min nəfərin yaşadığı şimal rayonlarının enerji təchizatının yaxşılaşdırılmasına imkan verəcək.İİB-nin $13,508 mln. həcmində kredit vəsaitləri 12 il müddətinə illik 6% dərəcə ilə verilir.
İİB həmçinin Yaşma-Dərbənd yüksək gərginlikli elektrik ötürücü xətlərinin çəkilməsi üçün kredit ($25 mln) ayırmağa hazır olduğunu bildirib. Rusiya ilə enerji dövriyyəsini idarə etməyə və sabitləşdirməyə imkan verən ikinci 330-kilovoltluq Yaşma (AR) - Dərbənd (RF) EÖX-nin çəkilməsi, "Xaçmaz" 330/110/10 kV yeni yarımstansiyasının tikintisi "2005-2015-ci illərdə Azərbaycan Respublikasının yanacaq-energetika kompleksinin inkişafı üzrə Dövlət proqramı"nda öz əksini tapıb.Gerçəkləşdirilmə müddəti 2005-2007-ci illəri təşkil edir.
Yaxın üç ildə Azərbaycana güzəştli kreditlərin ayrılmasına dair razılaşma ötən ilin dekabrında İİB-nin prezidenti Əhməd Mühamməd Əlinin respublika rəhbərliyi ilə Bakıda keçirilən danışıqlarında əldə olunub.
