"Kürsəngi" -" Qarabağlı" yatağının işlənib-hazırlanması ilə məşğul olan Salyan Oil Limited (SOL) şirkəti "Qarabağlı" yatağında ikinci kəşfiyyat quyusunun qazması zamanı problemlərlə üzləşib. Bu barədə Trend ə həmin layihədə iştirak edən ARDNŞ-də bildirilib.
"Problem, əsasən yuxarı qatdakı süxurlarla bağlı yaranıb. Quyunun layihə dərinliyi 4400 metr təşkil edir. Amma biz hələ 1000 metr də qazmalıyıq. Biz ilin sonunadək quyunun qazmasını başa çatdıra bilməyəcəyik. İşlərin 2006-cı ilin əvvəlində başa çatdırılacağı nəzərdə tutulur" -deyə ARDNŞ-də qeyd olunub.
Cari ildə SOL 2 istismar quyusu qazıb, bunlardan biri artıq istismara verilib.İlin sonunadək SOL "Kürsəngi-Qarabağlı"da $50 mln.-dan çox sərmayə qoymaq niyyətindədir.
SOL keçirilən texniki komitədə 2006-cı ildə "Kürsəngi-Karabağlı" müqavilə sahəsində iş planını müəyyən edib. Gələn il şirkətin müqavilə sahəsində 7 istismar və bir kəşfiyyat quyusu qazacağı nəzərdə tutulur. Əməliyyat şirkətinin büdcəsi 2006-cı ildə təxminən $50 mln.təşkil edəcək. İstismar quyularının orta dərinliyi 3500 metr, kəşfiyyat quyularında isə - 4300-4500 metr təşkil edir.
ARDNŞ nümayəndəsi həm də qeyd edib ki, SOL şirkəti əlaqələndirmə şurasının iclasının 9-10 dekabrda Bakıda keçirilməsi planlaşdırılır.
"Kürsəngi-Qarabağlı" yatağının geoloji ehtiyatları 100 mln. ton neft təşkil edir. Blokun potensiallı ehtiyatları 25 mln. ton xammal təşkil edir. Yatağın hazırda yalnız 20%-i işlənib.
