Gobustan Operating Company Ltd (GOC) 2006-cı ildə "Cənub-Qərbi Qobustan"ın bütün müqavilə sahəsində iki - üç ölçülü (2D və 3D) seysmik kəhşfiyyat keçirmək niyyətindədir. Trend in məlumatına görə, bu barədə layihədə iştirak edən Arawak Energy şirkəti bəyan edib.
Məlumatda bildirilir ki, ("Cənub-Qərbi Qobustan"ın tərkibinə daxil olan) "Daşgil", "Duvannı" i "Kənizədağ"da 200 kv. km sahədə 3 ölçülü seysmik kəşfiyyat, "Mərkəzi" və "Şimal" bloklarda isə 480 kv. km ərazidə ikiölçülü seysmik kəşfiyyat aparılacaq.
Sənəddə göstərilir ki, 2006-cı il ərzində GOC Azərbaycan Dövlət Neft Şirkətinə sutka ərzində minimum 285,7 min m3 qaz satmağı planlaşdırır. Yanvar ayında GOC ARDNŞ-lə bütün gələcək qaz əməliyyatları üçün zəruri olan infrastrukturların tikintisini başa çatdırıb. Müqavilə sahəsində ARDNŞ_ə qaz satışı üçün zəruri olan qaz-kompressor stansiyasının (QKS) tikintisi başa çatdırılıb. QKS-na aparan boru kəmərləri quyulara birləşdirilib. Quyudan çıxan qaz kəmərlərinin ümumi uzunluğu 11 km təşkil edir.
ARDNŞ-dən ilk qazın tədarükünə bütün zəruri infrastrukturların tikintisinin Qazın qiyməti $1.29/1 mln BTU ($1.29/1 mln BTU - 1 min kubmetr qaz $46) təşkil edir.
Məlumatda qazın qiymətinin artırılacağı istisna edilmir.
"Cənub -Qərbi Qobustan"nın ARDNŞ-lə bağlanmış PSA üzrə işlənməsi ilə GOC əməliyyat şirkəti məşğul olur. Gobustan Operating Company 80% iştirak payı ilə Commonwealth Gobustan Limited-ə, 20% ARDNŞ-ə məxsusdur. Commonwealth Gobustan Limited 37,17% payla Arawak Energy, 62,83% China National Petroleum Company şirkətlər qrupuna məxsusdur.
Müstəqil neft-qaz məsləhətçisi Ryder Scott-un məlumatına görə, sübut edilmiş neft ehtiyatları 51,6 mln barel neftə, ümumi (sübut edilmiş üstəgəl mümkün) 135,4 mln barel neftə bərabərdir. Bu zaman sübut edilmiş neft ehtiyatları 15,8 mln barel və 214,65 mln kubmetr qaza bərabərdir. Ümumi (sübut edilğmiş üstəgəl mümkün) ehtiyatlar 66,6 mln barel neft və 412,933 mln kubmetr qaz təşkil edir.