2006-cı ilin yanvar ayında aparılmış 9 geoloji və 55 texniki tədbirlər nəticəsində Azərbaycan Dövlət Neft şirkətinin "H.Z.Tağıyev adına" Neft-qazçıxarma idarəsi proqnozlaşdırılmış həcmdən çox - 354,6 ton neft hasil edib.
AR DNŞ-dən Trend ə verilən məlumata görə, yanvarda NQÇİ-də 12 quyu əsaslı, 55 quyu isə yeraltı təmir olunub.
Görülmüş işlər bu quyulardan 238,2 ton neft hasil etməyə imkan verib.
Yanvarda NQÇİ dayanmış quyular fondundan iki quyu istismara verib ki, bu da 141 ton neft hasil etməyə imkan verib. Yanvar ayında idarə proqnoz göstəricisindən (5200 ton) daha çox - 5,2% neft hasil edib. Bu ay ərzinqdə NQÇİ 810 min m3 qaz hasil edib. Bu, proqnoz göstəricisindən 1,3% çoxdur.
Bu ay NQÇİ dayanmış quyular fonduna daxil olan daha bir quyu istismara vermək niyyətindədir. Hazırda "H.Z.Tağıyev adına" NQÇİ-nin yataqlarında dayanmış quyular fonduna 188, işlək quyular fonduna - 159, istismar quyular fonduna isə 348 quyu daxildir.
