...

ARDNŞ dalğıcları "Technip" şirkətinin sifarişi ilə işləri başa vurub

Energetika Materials 1 Aprel 2006 13:42 (UTC +04:00)

2005-ci il ərzində Xəzər Dəniz Dalğıc Qəza Xilasetmə İşləri İdarəsi ARDNŞ və Fransanın ''Stolt Offshore Servizes'' şirkəti arasında yaradılmış Alyansın birgə fəaliyyətinin təşkili üzrə 3 layihə çərçivəsində dalğıc işləri görüb.

Trend in xəbər verdiyi kimi, ARDNŞ-in məlumatında deyilir ki, 2005-ci ilin mart və may aylarında Azfen-Tekfen şirkətinin sifarişi əsasında idarənin avadanlıqlarından istifadə etməklə dalgıclar şirkətin limanında hava-dalğıc işlərini yerinə yetirib.

"Saturasiya Dalğıc Sisteminə Texniki Xidmət" layihəsi çərçivəsində "BP" və "MccDermott" şirkətlərinin sifarişi əsasında "İsrafil Hüseynov" gəmisindən demontaj edilmiş avadanlığa texniki xidmət göstərilib.

Bundan əlavə, ötən il "Technip şirkətinin sifarişi əsasında dalğıclar Zığ limanında hava-dalğıc işlərini həyata keçirib. XDDQXİ-nin dalğıcları idarənin avadanlıqlarından istifadə etməklə "Şahdəniz" yatağı üçün platformanın tikildiyi Zığ-2 İstehsalat sahəsində sualtı tədqiqatlar aparıb.

Xəbər lenti

Xəbər lenti