Azərbaycan Dövlət Neft Şirkətinin 2006-cı ilin fevralında yaradılmış Sosial İnkişaf İdarəsində Birləşmiş Həmkarlar İttifaqları Komitəsinin təsis konfransı keçiriləcək. Bu barədə Trend ə Neft-qaz sənayesi işçilərinin həmkarlar ittifaqları Respublika Komitəsindən məlumat verilib.
Təsis konfransı aprelin 14-də ARDNŞ və NQSİHİRK-nın rəhbər şəxslərinin iştirakı ilə keçiriləcək.
İdarənin rəhbəri Qorxmaz Hüseynov təyin edilib.
Yeni müəssisənin əsas fəaliyyəti ARDNŞ və onun balansında olan sosial qurumların (tibb müəssisələri, sağlamlıq mərkəzləri, uşaq bağçaları və s.) sosial yönümlü tədbirlərinə nəzarət etməkdən ibarətdir.