2008-ci ilin avqust-sentyabr aylarında "Şimal" DRES-də 2-ci buxar-qaz qurğusunun yenidən qurulması üzrə işlərin tamamilə başa çatdırılması planlaşdırılır. "Azərenerji" SC-nin vitse-prezidenti Marlen Əsgərovun Trend ə verdiyi məlumata görə, bütün işləri vaxtında yerinə yetirmək üçün məsləhətçiyə qısa vaxt ərzində tender prosedurlarını yekunlaşdırmaq tapşırılıb.
Ötən həftə Azərenerji" ilə Tepsko və Emprima konsorsiumu arasında imzalanmış müqaviləyə əsasən, artıq tender təkliflərinin hazırlanmasına başlanılıb. Yaponiya Beynəlxalq İnkişaf bankı (JBİC) layihəynin gerçəkləşdirilməsinə $270 mln kredit ayırıb. Azərbaycan hökuməti bu layihədə iştirak payına malik deyil.
Tələbatın illik artımı 5-6 mlrd. kVt təşkil edir. "Şimal-2" DRES-in istismara verilməsi ilə 2006-cı ildə normal tələbat təmin ediləcək. Gələcəkdə isə tələbat artdıqca yeni istehsal obyektlərinin istismara verilməsi gözlənilir", - deyə M.Əsgərov qeyd edib.
