Azərbaycanın quruda yerləşən "Kürovdağ" yatağının reabilitasiyası, kəşfiyyatı və işlənməsini həyata keçirən Shirvanoil şirkəti yeni istismar quyusunu qazmağa başlayıb. Bu barədə Trend ə Azərbaycan Dövlət Neft Şirkətindən məlumat verilib.
İndiyə kimi 1200 metrə yaxın qazıntı işləri aparılıb. Quyunun layihə dərinliyi 3 500 metrə bərabərdir. Bu quyu neft istismar quyusu üçün nəzərdə tutulub.
Qazma işlərini Britaniyanın Monument Oil şirkəti aparır.
2005-ci ilin sonlarına kimi Shirvanoil "Kürovdağ"a $40 mln. dollardan artıq kapital qoyub. ARDNŞ və Britaniyanın Caspian Energy Group şirkəti 2006-cı il yanvarın 1-də Shirvanoil BM-in bazasında Shirvanoil Operating Company şirkətinin yaradılması barədə razılığa gəliblər.
2004-cü ilin noyabrında ARDNŞ Caspian Energy Group (keçmiş Whitehall) şirkəti ilə "Kürovdağ" PSA müqaviləsi imzalayıb. Bu müqavilə üzrə tərəflər 50%-lik iştirak payı əldə ediblər. 1997-ci ildən "Kürovdağ"ın reabillitası ilə Shirvan Oil BM məşğul olur ki, orada Caspian Energy Group 51% iştiraka sahibdir.
"Kürovdağ" yatağı 1929-cu ildə kəşf edilib. Onun işlənməsinə 1955-ci ildən başlanılıb.
