BTC Co boru kəməri şirkəti və Bakı -Tbilisi-Ceyhan (BTC) boru kəmərinin Türkiyəyə aid olan hissəsinin tikintisi ilə məşğul olan Türkiyənin Botaş şirkəti arasında olan danışıqlar zamanı əlavə pul vəsaitlərinin ödənişi haqqında razılıq əldə edilib. ARDNŞ-dən Trend ə verilən xəbərə görə, BTC Co Botaş -a 333 milyon dollar ödəyəcək. Bu məbləğdən BTC üzrə partnyorlar tərəfindən şirkətə kredit qismində verilmiş 192 milyon dollar çıxılıb.
Botas şirkəti öz ərazisindəki işləri tamamlamaq üçün əlavə vəsaitlərin əvvəlcədən cəlb olunmasını tələb edib.
İlkin qiymətləndirməyə görə Bakı-Tbilisi-Ceyhan boru kəmərinin (BTC) tikintisinin dəyəri layihənin təsdiq edildiyi vaxt nəzərdə tutulan 2,95 milyard dollardan 30% artıb. Boru kəmərinin texniki neft ilə (10 milyon barel həcmində) doldurulması üçün 600 milyon dollar da tələb olunurdu və bundan əlavə kreditlərin qaytarılma dəyərini də nəzərə almaq lazımdır.