Hazırda Xaçmaz modul elektrik stansiyasının tikintisilə bağlı maşin zallarının soyutma sisteminin montajı başa çatdırılıb və metal konstruksiyaların quraşdırılması həyata keçirilir. Bu barədə, Trend agentliyinin məlumatına əsasən, "Azərenerji" SC-dən xəbər veriblər.
Yaxın günlərdə Xaçmazda tikilmiş yarımstansiyada 125 MVA -lıq 5 transformatorun quraşdırılması başlanacaq, avqustun birinci günlərində isə generatorlar gətiriləcək.
Hazırda Şəki modul elektrik stansiyası üçün Finlyandiyadan generatorlar gətirlib. İyulun sonuna qədər bütün sınaq əməliyyatları yerinə yetiriləcək. 110 kV-lıq yarımstansiyanın tikintisi artıq başa çatıb və qazın elektrik stansiyasına verilməsi üçün kəmərin inşası istiqamətində iş gedir.