Gələn həftə BP şirkətinin makroiqtisadiyyat şöbəsinin başçısı Mark Henstric Bakıya gələcək. Bu barədə Trend ə BP Azerbaijan şirkətindən xəbər veriblər.
Şirkət nümayəndəsi Azərbaycan hökümətini şirkətin statistik nəticələri ilə tanış edəcək.
Ehtimal olunur ki, M.Henstric ölkə höküməti, Dövlət Neft Şirkətinin nümayəndələri ilə görüşlər keçirəcək. Gələcək görüşlər zamanı o, qlobal energetika bazarının təhlili üzrə məlumat təqdim edəcək.
2006-cı ilin yanvar-iyun aylarında "Azəri"-"Çıraq"-"Günəşli" dəniz yataqlarının blokunu mənimsəyən Azərbaycan Beynəlxalq Əməliyyat Şirkəti (ABƏŞ) müqavilə sahəsində 10,041 mln. ton Azeri Light nefti hasil edib, bu isə 2005-ci ilin yanvar-iyun aylarından 4,993 mln. ton çoxdur. Neft hasilatının artması bununla izah olunur ki, ötən ilin fevral ayında hasilat "Azəri" yatağının mərkəzi hissəsindən, 2006-cı ilin yanvar ayında isə "Azəri" yatağının qərb hissəsindən başlayıb. ABƏŞ BP şirkətinə başçılıq edir.