AZAL DK Lənkəran və Zaqatalada bərpa olunan hava limanları üçün radionaviqasiya və meteoroloji avadanlıqların alınmasının maliyyələşdirilməsi məsələlərini nəzərdən keçirir. Bu barədə Trend ə AZAL DK-dan məlumat verilib.
AZAL-ın "Azəraeronaviqasiya" müəssisəsi artıq bu hava limanları üçün avadanlıqların alınması üzrə tenderi bağlı elan edib. Yeni sistemlərin quraşdırılması uçuşların təhlükəsiz həyata keçirilməsi üçün ölkənin hava məkanının böyük hissəsinə nəzarət etməyə imkan verəcək.
Tenderin qalibi Fransanın Tahles şirkətidir. Fransa bankları bunun həyata keçirilməsi üçün vəsait ayırmağa hazırdır. Bu hava limanları üçün havada hərəkəti idarəetmə sistemlərinin alınması layihəsinin ilkin dəyəri $15 mln-dur.
Tender radionaviqasiya sistemləri və meteoroloji avadanlığın alınması üzrə iki lotdan ibarətdir.
Bu şirkət artıq AZAL DK ilə birgə layihə gerçəkləşdirib. Bu layihə Bakı Beynəlxalq hava limanı üçün yeni lokatorun tədarükü ilə bağlı olub. Lənkəranda hava limanının yenidənqurulması layihəsinin dəyəri $40 mln, Zaqatalada isə $20 mln həcmində qiymətləndirilir.
