Modernləşdirmə işlərini həyata keçirmək üçün "Çiraq-1" platformasının plan üzrə dayandırılması oktyabrın 19-na nəzərdə tutulub. Bu barədə Trend ə "BP Azerbaijan" şirkətindən məlumat verilib. Plaformanın dayandırılması maksimum 10 gün çəkəcək, - deyə şirkətdən bildiriblər.
Həmin müddətdə platformanın effektivliyini və dayanıqlığını yaxşılaşdırmaq məqsədi ilə qazın qurudulması qurğusu dəyişdiriləcək, laylara vurulan suyun həcmi artırılacaq və avadanlıqlara texniki baxış keçiriləcək.
Hal-hazırda Çiraq platformasında 20 quyu istismar olunur ki, onlardan da 14-ü hasilat, 6-sı isə suvuran quyulardır. İstismar qazma işlərinə və 1997-ci ildə ilk neftin hasilatına başlandığı gündən bəri "Çiraq" platforması demək olar ki, dayanmadan işləyir. Hal-hazırda burada 250-yə yaxın insan işlə təmin olunub ki, bunların da 85%-i, plaftormada aparıcı mövqe tutmuş dəniz əməliyyatları üzrə mühəndislər də daxil olmaqla, Azərbaycan vətəndaşlarıdır.
