Dünya bazarlarında neftin qiymətinin bahalaşması Azərbaycan Dövlət Neft Fondunun daxilolmalarının həcminə təsir edəcək. Trend in xəbər verdiyi kimi, ARDNF-in icraçı direktoru Şahmar Mövsümov Xəzər İnteqrasiya İşgüzar Klubunun iclasında bildirib ki, 2006-cı ilin təsdiqlənmiş büdcəsinə əsasən, ARDNF büdcəni kəsirlə başa vurmağı planlaşdırırdı. Ancaq neftin qiymətinin yüksək olması ilə əlaqədar bu, baş verməyəcək.
"Fondun vəsaitləri təxminən $1,5-1,6 mlrd səviyyəsində qalıb", - deyə o bildirib.
Ş.Mövsümov hesab edir ki, ilin sonunda gözlənilən xərclər və gəlirlər arasında böyük fərq olmayacaq.
Fondun vəsaitlərinin idarə edilməsindən gəlirin illik 5% səviyyəsində olacağı planlaşdırılır. Valyuta portfelinin strukturuna dəyişikliklərin edilməsi planlaşdırılmır. O hesab edir ki, əgər fondun bütün gəlirlərini dollara çevirsən, gəlirlilik 8% olacaq. Belə ki, ilin əvvəli ilə müqayisədə avronun məzənnəsi daha da möhkəmlənib.
