İşini davam etdirmək üçün "Markab" tədqiqat gəmisi yenidən Xəzərin Azərbaycan sektoruna qayıdıb. Gəminin bir qədər əvvəl problemlər yaşandığı dizel mühərriklərində təmir işləri başa çatdırılıb. Təmir işləri 4 günə yaxın davam edib. Bu barədə Trend ə "Azeri-Fugro" Azərbaycan-Niderland Birgə Müəssisəsindən xəbər verilib.Gəmi "Fugro"ya məxsusdur.
Bu gəmi vasitəsi ilə "Şah-Dəniz" yatağında tədqiqatlar aparılacaq. Şirkətdən bildiriblər ki, işləri 2 ay müddətində başa çatdırmaq nəzərdə tutulub. Bu işlər qruntun mühəndis xüsusiyyətlərini tədqiq etməyə yönəlib. Cəmi 12 geotexniki quyunun qazılması nəzərdə tutulub. Bunlardan bir hissəsi 30, digəri isə 150 metr dərinliyində qazılacaq. İşlər dənizin 500 metr dərinliyində həyata keçiriləcək.
Naviqasiya bağlandıqdan sonra gəminin qışı keçirməsi üçün Xəzərdə qalması ehtimal olunur.