Dünya Bankı ümid edir ki, yaxın gələcəkdə regionda enerji daşıyıcılarının qiyməti beynəlxalq qiymətlərə yaxınlaşacaq. Trend xəbər verir ki, gələn il Azərbaycanda eneorji daşıyıcılarının qiymətinin artırılmasının mümkünlüyünü nəzərə alaraq bu barədə DB-nin Cənubi Qafqaz üzrə aparıcı iqtisadçsı Kristian Pitersen bildirib.
K.Pitersen: "Azərbaycanla Rusiya və Rusiya ilə Gürcüstan arasında qazın qiymətinin artırılması barədə müzakirələrdən xəbərimiz var. Mən əminəm ki, gün gələcək və regionda enerji daşıyıcılarının qiyməti beynəlxalq bazardakı qiymətlər kimi olacaq. Mənə elə gəlir ki, Azərbaycanın Rusiya hökuməti, eləcə də Gürcüstan və Türkiyə ilə apardığı danışıqlar uğurla keçib".
Bununla əlaqədar qaz idxalı, yaxud istehsalı ilə bağlı xərcləri örtmək üçün artıq 2007-ci ildə enerji daşıyıcılarının qiymətinin artması istisna edilmir.
Onun fikrincə, ölkədə ünvanlı sosial yarpdımın həyata keçirilməsi əhalinin aztəminatlı təbəqəsini bu qiymət artımından qorumağa imikan verəcək.