Azərbaycan Dövlət Neft Şirkəti (ARDNŞ) 2007-ci ildə 300 min ton L-62 markalı dizel yanacağının satışı üçün İsveçrənin Addax treyderi ilə Baku FCA şərtlərində müqavilə imzalayıb. Bu barədə Trend ə ARDNŞ-dən məlumat verilib.
ARDNŞ nümayəndəsinin sözlərinə görə, Bakı NEZ-lərin istehsalı olan neft məhsulları 2007-ci ilin birinci yarısı ərzində yüklənəcək. Dizel yanacağı Gürcüstanın Poti və Batumi limanlarından satılacaq.
Yanvar-noyabr aylarında ARDNŞ 1,18 mln. ton dizel yanacağı ixrac edib. Noyabr ayında ixrac 102,39 min ton təşkil edib.