Gələn ilin birinci rübündə Azərbaycan Dövlət Neft Şirkəti "Qərbi Abşeron" yatağının cənub hissəsində yeni platforma quraşdırmaq niyyətindədir. Azərbaycan Dövlət Neft Şirkətindən Trend ə bildiriblər ki, platforma suyun 12-15 metr dərinliyində quraşdırılacaq.
Bu platforma əvvəlcədən qazılmış üç qaz quyusunda quraşdırılacaq. Bu quyular qazılıb konservləşdirilib. Bu quyuların orientasiya debiti sutkada 250 min kubmetr qaz təşkil edəcək. Bu, yeni hasilat metoduna - qazlift metoduna keçidə, həmçinin məişət ehtiyacları üçün qaz verməyə imkan verəcək.
Gələcəkdə üzən qazma qurğu "Xəzər-4"lə yatağın bu hissəsində qazılmış quyuların istismarı üçün platforma tikintisi də nəzərdə tutulur.
Hazırda bu platformada yeni qazma nöqtəsində əvvəl planlaşdırıldığı kimi 6 yox, 12 quyuda qazılma işlərinin aparılması barədə qərar qəbul edilib.
Bu onunla izah edilir ki, kəşfiyyat qazma işləri böyük neft ehtiyatı olmasını və plastların böyüklüyünü göstərib. Orta sütkalıq debit təxminən 10 ton təşkil edir.
Bundan öncə "Xəzər-4" qurğusunda həmin yataqdakı nöqtələrdən birində 6 quyu qazılıb. Həmin yerdə də platorma quraşdırılması nəzərdə tutulur.
Bu yataqda ehtyatların qiymətləndirilməsi göstərib ki, orada 10 mln. tondan artıq ehtiyat ola bilər. Belə qənatə kəşfiyyat qazma işlərindən sonra gəlinib. Əvvəlcə isə 5 mln. ton nəzərdə tutulurdu.
