Azərbaycanın Maliyyə Nazirliyi Yanacaq Energetika Kompleksinin dolayı yolla subsidiyalaşmasından imtina edib. Baxmayaraq ki, 2007-ci il üçün dövlət büdcəsində bu məqsədlə 330 mln. manat ayrılmışdı.
Cümə axşamı Maliyyə Nazirliyindən Trend ə verilən xəbərə görə, bu qərar Tarif şurasının 6 yanvar 2007-ci ildə verdiyi qərara əsasən elektrik enerjisinə qoyulan tariflərin 3 dəfədən artıq artması ilə bağlıdır.
Əhali üçün 1 kvt\saat elektrik enerjisinə qoyulan tariflərin 2 qəpikdən 6 qəpiyə qaldırılması sayəsində Azərbaycanın əsas elektrik enerjisi istehsalıçısı "Azərenerji" artıq öz vəsaitləri hesabına enerji istehsalının maya dəyərini ödəyə bilər. 2006-cı ildə olduğu kimi 2007-ci ildə də dolayı yardımlar yalnız "Azərenerji" SC üçün nəzərdə tutulub.
Dövlət büdcəsi işlənərkən tariflərin qalxacağı təqdirdə dövlətin yardımları tamam ləğv etməyə hazırlaşması variantı nəzərdə tutulub. Bununla da, Azərbaycan dolayı subsidiyalaşma siyasətindən imtina etməyi təklif edən beynəlxalq maliyyə institutlarının daha bir tövsiyyəsini yerinə yetirib.
Hərçənd ki, bu il buna ötən ilkindən daha az (438,5 mln. manat) pul ayrılmışdı. Dolayı subsidiyalar hesabına "Azərenerji"nin Dövlət neft şirkətinə borcu ilə ARDNŞ-in dövlət büdcəsinə borcu qarşılıqlı yoxlanılıb. Elektrik stansiyalarıyla işləmək üçün "Azərenerji" ARDNŞ-dən Rusiyadan idxal olunan qaz alıb və onun ödənilməsi subsidiyalar hesabına həyata keçirilib.
