Hasilatları layihələrin səhmdarları tərəfindən təsdiq edilmiş "Azəri"-"Çıraq"-"Günəşli" və "Şahdəniz" yataqlarında karbohidrogen ehtiyatlarının ümumi həcmi 6,1 mlrd. barel neft ekvivalenti təşkil edir. Bu barədə Trend bu layihələrin operatoru olan BP-nin rəsmi saytında yerləşən təqdimata istinadən xəbər verir.
Sənəddə qeyd olunub ki, "Azəri"- "Çıraq"-"Günəşli" və "Şahdəniz" yataqlarında sübut edilməmiş ehtiyat həcmi 7,6 mlrd. barel neft ekvivalenti təşkil edir. Bu günə qədər hasil edilmiş məhsulun həcmi 400 mln. barel neft ekvivalenti təşkil edib.
Təqdimatda qeyd olunub ki, "Azəri"-"Çıraq"-"Günəşli" layihəsinin III fazasının 2008-ci ildə istismara verilməsi nəzərdə tutulub. 2010-cu ildə "AÇG"dən sutkada 1,2 mln. barel neft hasil olunacaq.
"Azəri" yatağının mərkəzi, şərq və qərb hissəsində quraşdırılmış platformaların ümumi layihə gücü sutkada 1,1 mln. barel neft və 1,2 mlrd. kub fut qazdır.
İşlənmə üçün təsdiq edilmiş "AÇG" ehtiyatları 5,4 mlrd. barel təşkil edir. Layihənin ümumi kapital qiyməti 17 mlrd. ABŞ dollarıdır.
