Azərbaycan,Bakı/müxbir Trend S.Əliyev/Azərbaycan Dövlət Neft Şirkətinin yataqların modelləşdirilməsi mərkəzi "Salyan Oil" əməliyyat şirkəti ilə "Kürsəngi-Qarabağlı" müqavilə sahəsinə daxil olan "Gürsəngi" yatağının geoloji modelinin hazırlanması üzrə müqavilə bağlayıb. Bu barədə bazar ertəsi "Salyan Oil" şirkətindən məlumat verilib.
Müqavilənin müddəti bir il təşkil edir. İşlər çərçivəsində yataq və quyunun rəqəmsal geoloji modelinin hazırlanması nəzərdə tutulub.
Hazırda şirkət müqavilə sahəsində bir quyunun qazılması işini davam etdirir.
Şirkət nümayəndəsinin sözlərinə görə, quyunun layihə dərinliyi 3500 metr təşkil edir. Keçən ilin dekabrında "Salyan Oil" şirkətinin əməliyyat komitəsinin iclası zamanı 2007-ci il büdcəsi 43 milyon dollar səviyyəsində təklif olunub. Ümumilikdə 2007-ci ildə 5 quyunun qazılması planlaşdırılıb. Onların hamısı istismar üçün nəzərdə tutulub. Quyuların layihə dərinliyi 3500 metr təşkil edəcək.
