Azərbaycan, Bakı/ Trend müxbir S.Əliyev/ Azərbaycan Dövlət Neft Şirkəti (ARDNŞ) hökumətin qərarı ilə Bakı-Novorossiysk kəməri ilə neft ixracı çərçivəsində Rusiya tərəfilə yeni saziş bağlanmasına dair danışıqlar apara bilər.
Bazar ertəsi ARDNŞ nümayəndələrinin bildiridiyinə görə, Neft Şirkəti "Transneft"lə yeni saziş bağlayacaq, Azərbaycan Beynəlxalq Əməliyyat Şirkəti (ABƏŞ) isə Bakı-Novorossiysk kəmərinə operatorluqdan imtina edəcəyi təqdirdə Azərbaycan hökuməti onun ixrac vəziyyətinin saxlanılması üçün qərar qəbul edəcək.
ABƏŞ "Azəri-Çıraq-Günəşli" yatağında neft çıxarır. ABƏŞ hazırda Bakı-Novorossiysk, Bakı-Supsa və Bakı-Tbilisi-Ceyhan kəmərlərinin operatoru hesab olunur.
"Azəri-Çıraq-Günəşli" yatağından hasil olunan neftin ixracının BTC istiqamətində dəyişdirilməsilə bağlı ABƏŞ Bakı-Novorossiyskdən imtina etmək niyyətindədir.
ABƏŞ-in tərəfdaşları ("ExxonMobile" və "Devon" istisna olmaqla) 2007-ci ilin 1 aprelinə qədər "Azəri-Çıraq-Günəşli" neftinin bir hissəsini Bakı-Novorossiysklə ixrac edirdilər. "ExxonbMobile" və "Devon" BTC kəməri üzrə tərəfdaş deyillər, öz neftlərini Gürcüstanın Batumi limanına dəmir yolu vasitəsilə nəql edirlər.
