Azərbaycan,Bakı/müxbir Trend S.Əliyev/Xəzərin Qazaxıstan şelfində neftin geoloji ehtiyatları 14 mlrd. ton şərti yanacaq həcmində qiymətləndirilir. Bu həcmdən 5,2 mlrd tonu hasil olunmuş ehtiyatlardır. Bu barədə Bakıda birinci Xəzər ticarət-nəqliyyat konfransında Qazaxıstan Respublikasının Energetika və Təbii Resurslar Nazirliyinin "Neft və qaz sənayesinin əsas idarəetmə baş dispetçerliyi" SC-nin vitse-prezidenti Munal İzberqenov məlumat verib.
Onun sözlərinə görə, dəniz şelfində qaz ehtiyatları 3 trln. kub metr həcmində qiymətləndirilir. Onun 1 trln. kub metri hasil olunandır.
2007-ci ildə Qazaxıstanda neft hasilatı həcmi 65 mln. ton səviyyəsində proqnozlaşdırılır. Bu da praktiki olaraq keçən ilin analoji göstəricisinə bərabərdir. Qaz hasilatı 29,3 mlrd. kub metr təşkil edəcək. 2010-cu ildə bu göstərici 90 mln. ton neft və 52,5 mlrd. kub metr qazadək artacaq.
2015-ci ildə neft və qaz hasilatının göstəriciləri uyğun olaraq 150 mln. ton və 79,4 mlrd. kub metr həcmində proqnozlaşdırılır, deyə İzberqenov qeyd edib.
Konfransın təşkilatçıları kimi Britaniyanın Confidence Energy Ltd konsaltinq şirkəti və Azərbaycan Dövlət Neft Akademiyası çıxış edir.