Azərbaycan,Bakı/müxbir Trend S.Əliyev/Azərbaycan-Amerika Caspian Drilling Company BM "Günəşli" yatağının dərinsulu hissəsində suyun sualtı vurulması üçün quyunun qazılmasına başlayıb. Bu barədə çərşənbə günü Azərbaycan Dövlət Neft Şirkətindən (ADNŞ) məlumat verilib. Qazma öncə bu yataqda yeddi qabaqlayıcı quyunun qazılması və buruq şlamının vurulması proqramını başa çatdıran "Dədə Qorqud" qurğusu ilə həyata keçirilir.
Xəzərdə suyun sualtı vurulmasının tətbiqi ilk dəfədir ki, həyata keçirilir. Sualtı vuruluma sistemi təxminən 200 mln. barrel neft həcmində hasilatın saxlanmasına hesablanıb. Bu da "Günəşli" yatağının dərinsulu hissəsində ümumi ehtiyatların 20 faizini təşkil edir. Bu kollektorun sərfetmə xarakteri "Faza-3" mərhələsində təzyiqin saxlanması üçün doldurma sisteminin olmasını tələb edir. "Faza-3" mərhələsində "Günəşli" yatağının dərinsulu hissəsində neft hasilatı nəzərdə tutulur.
Sualtı avadanlığa suyun vurulması üçün su üç sahədə yerləşən: üçü plastın şimal və cənub qanadında və dördü şərqdə olan on basma quyusuna daxil olacaq. Şimal qanad "Günəşli" platforma kompleksindən 3,2 km şimal-şərqdə 175 metr dərinlikdə, cənub qanad isə təxminən 5,2 km texniki işlənmə kompressor platforma kompleksindən cənub-qərbdə, 285 metr dərinlikdə yerləşir.
Şərqi manifold "Günəşli" platforma kompleksindən təxminən 5 km aralıda, 225 metr dərinlikdə yerləşir. Üç sualtı sahənin dəyəri 400 mln. məbləğində qiymətləndirilir. Yalnız suyun sualtı vurulmasının üçüncü sahəsinin tikintisi yatağın bu hissəsində təxminən 50 mln. barrel neft hasil etməyə imkan verəcək.
1994-cü ilin sentyabrında imzalanmış "Azəri-Çıraq-Günəşli"nin işçi bölüşdürülməsi barədə saziş 30 il ərzində "Azəri-Çıraq-Günəşli" müqavilə sahəsinin işlənməsini nəzərdə tutur.
Qiymətləndirməyə əsasən, sazişin qüvvədə olacağı dövr ərzində 5,4 mlrd. barrel neft hasil olunacaq. Yataq bir neçə fazada işlənilir: "Çıraq"da hasilat ilkin neft layihəsinin bir hissəsi kimi 1997-ci ildən etibarən davam etdirilir. Daha sonra Azəri layihəsinin birinci fazası - "Mərkəzi Azəri"də hasilat 2005-ci ildə başlanıb. Sonrakı fazalara 2006-cı ilin oktyabrında hasilatın başladığı "Qərbi Azəri" və Azəri layihəsinin ikinci fazasında hasilatın başladığı "Şərqi Azəri" daxildir. "Azəri-Çıraq-Günəşli"nin işlənməsinin son fazası çərçivəsində - üçüncü Fazada ("dərinsulu Günəşli") hazırda tikinti işləri aparılır və burada hasilata 2008-ci ildə başlanacaq.