Qazaxıstan, Astana /müx. Trend K.Konırova/ 2007-ildə Azərbaycan Dövlət Dəmir Yolu (ADDY) 16 milyon ton neft yükləri daşımağı planlaşdırır. Bu barədə cümə axşamı Astanada ADDY-nin rəhbəri Arif Əsgərov məlumat verib. Qeyd edək ki, 2006-ci ildə müvafiq göstərici 15 milyon ton olub.
Əsgərovun sözlərinə görə, ümumilikdə ADDY 2007-ci ildə 33 milyon tonadək yük daşımağı planlaşdırır. Bu həcmin 16 milyonu neft və neft məhsulları olacaq.
"Ötən il Azərbaycanın dəmir yolu ilə daşınan yüklərin ümumi həcmi 30 milyon ton təşkil edib. Onların yarısı neft və neft məhsullarının payına düşüb" - deyə o bildirib.
