Azərbaycan, Bakı/ Trend müxbir İ.Xəlilova/ Azərbaycanın İqtisadi İnkişaf Nazirliyi Nazirlər Kabinetinə "Neft-qaz sahəsində ixrac fəaliyyəti haqqında" qanun layihəsi göndərib. Bu barədə iqtisadi inkişaf nazirinin müavini Mikayıl Cabbarov məlumat verib.
İxrac fəaliyyəti haqqında qanun layihəsində PSA tipli müqavilələrlə vergi tiutulmanın əlverişli rejimi nəzərdə tutulub.
"Neft-qaz sahəsində olan xidmət şirkətlərində, xüsusilə mühasibat hesabatlarında sadələşdirilmiş vergitutma rejimi tətbiq olunacaq",-deyə nazir müavini bildirib.
Onun sözlərinə görə, bu rejim artıq aydındır və bu gün Azərbaycanda fəaliyyət göstərən xidmət şirkətləri və Xəzərin Azərbaycan sektorunda kəşfiyyat və hasilat işlərini həyata keçirən şirkətlərdə istifadə olunur. Bu qanun qəbul olunduqdan sonra onlar Xəzərin digər ölkələrə məxsus hissələrində işləyən şirkətlərə xidmət göstərə biləcəklər.
Cabbarov söyləyib ki, vergitutma rejimi tamamilə Azərbaycanın maraqlarına cavab verəcək.
Layihənin hazırlanmasında əsas məqsəd Azərbaycanda qeydiyyatdan keçən, ölkə hüdudlarından kənarda fəaliyyət göstərən əcnəbi şirkətlər üçün vergi əngəllərinin azaldılmasıdır. Onların sırasında Technip, Bos Shelf və Maersk şirkətləri də var ki, onlar hökumət qarşısında ölkə hüdudlarından kənarda həyata keçirilən regional layihələrdə iştirak etmək vergi güzəştlərinin tətbiq olunması təklifi ilə çıxış ediblər.
Azərbaycanda işlərini başa çatdırmaları ilə əlaqədar onlar xarici ölkələrdən, xüsusilə Qazaxıstandan təkliflər alırlar. Azərbaycanda əməliyyatlar həyata keçirdiklərinə görə şirkətlər Azərbaycanın vergi və gömrük qanunvericiliyinə əsaslanmalıdırlar. Onlar artıq əməliyyatları həyata keçiriblər, qanun qəbul oluna qədər onlardan vergi tutulması Nazirlər Kabinetinin bir müddət öncə ixrac məqsədilə mal, xidmətlərin ƏDV-dən azad olunmanı nəzərdə tutan sərəncamı əsasında həyata keçirilir.
