Azərbaycan, Bakı/ Trend / 2007-ci ilin yanvar-iyun aylarında Azərbaycan Beynəlxalq Əməliyyat Şirkəti (ABƏŞ) "Azəri-Çıraq-Günəşli" yatağından 16,7 mln. ton Azeri Light növlü neft hasil edib ki, bu da 2006-cı ilin müvafiq dövrü ilə müqayisədə 6,6 mln. ton çoxdur.
ABƏŞ-dən cümə axşamı verilən məlumata görə, 2007-ci ilin yanvar-iyun aylarında "Çıraq" yatağından 2006-cı ilin eyni dövründəki 3,703 mln. tona qarşı 3,474 mln. ton neft hasil olunub. "Azəri" yatağından isə yanvar-iyun aylarında 2006-cı ilin müvafiq dövrü ilə müqayisədə 6,338 min tona qarşı 13,211 mln. ton neft hasil olunub.
2007-ci ilin iyun ayında "Çıraq" yatağında neft hasilatı 2006-cı ilin iyun ayı ilə müqayisədə 618,853 min tona qarşı 531,344 min ton olub. 2007-c ilin iyun ayında "Azəri" yatağında neft hasilatı 2006-cı ilin iyun ayı ilə müqayisədə 1,2 min tona qarşı 2,339 min ton olub.
2006-cı ildə ABƏŞ saziş üzrə nəzərdə tutulan ərazidə 23,26 mln. ton neft hasil edib ki, bu da 2005-ci ildən 13,074 mln.ton çoxdur. 2006-cı ildə "Çıraq" yatağında neft hasilatı 2005-ci ildəki 7,028 mln tona qarşı 6,977 mln. ton təşkil edib. "Azəri" yatağında isə bu göstərici 6,109 mln. tona qarşı 16,283 mln. ton təşkil edib.