Azərbaycan, Bakı/ Trend / Yanvar-iyun aylarında Azərbaycan "Şahdəniz" yatağından 538,75 mln. kubmetr (proqnozdan 23,6 faiz çox) qaz alıb. Bu barədə məlumatı Azərbaycan Dövlət Neft Şirkətindən veriblər. İyun ayında yataqdan 157,17 mln. kubmetr qaz verilib.
Azərbaycan "Şahdəniz" layihəsi üzrə tərəfdaşlarından qazın min kubmetrini 52 dollara alır. Hazırda yataqda üç quyu fəaliyyət göstərir. Sutkalıq potensial debit 15 mln. kubmetr qaz təşkil edir. Oktyabrda yataqda dördüncü quyu fəaliyyətə başlayacaq. Güman edilir ki, dördüncü quyu fəaliyyətə başladıqdan sonra sutkalq debit daha 5 mln. kubmetr artacaq.
"Şahdəniz" yatağından "Mərhələ - 1" çərçivəsində ildə 8,6 mlrd. kubmetr qaz hasil olunacaq.
