Azərbaycan, Bakı /müx. Trend S.Əliyev/ Avqustun 15-nə kimi ARDNŞ Türkiyənin Ceyhan limanından Tailandın "PTT Public Company Limited" şirkəti üçün yüngül neftin iri tanker partiyasını göndərməyə hazırlaşır.
ARDNŞ nümayəndəsi bildirib ki, partiyanın həcmi 1 mln. barel Azeri Light markalı neft olacaq. Yüklənmə-daşınma Türkiyənin Ceyhan limanından gerçəkləşdiriləcək. Neft oraya Bakı - Tbilisi - Ceyhan kəməri ilə ötürüləcək.
May və iyun aylarında ARDNŞ Tailandın "PTT Public Company Limited" şirkəti üçün 1 mln. barel Azeri Light nefti gönədirib.
2007-ci ilin birinci rübündə ARDNŞ və "PTT" illik müqavilə bağlayıblar. Həmin müqaviləyə əsasən Azərbaycan Tailanddakı neft emalı zavodları üçün neft göndərəcək. Azərbaycan bunu "PTT" üçün FOB, yaxud da CFR şərtləri əsasında edəcək.
ARDNŞ yüngül nefti 1994-cü ildə imzalanmış "Əsrin müqaviləsi" sazişi çərçivəsində "Azəri-Çıraq-Günəşli" yatağından hasil edir.
