Azərbaycan, Bakı/ Trend ,müxbir S.Babayeva/ Azərbaycanın Smart Systems Technology şirkəti özəl banklar üçün sürətli rabitə kanalı yaradıb. Texnikabank-ın baş ofisi ilə onun Əzizbəyov filialı arasında 128kb/saniyə gücündə rabitə kanalı çəkilib. Oxşar rabitə kanalı NBC Bank və onun "Gənclik filialı arasında, Azərbaycan Beynəlxalq Bankının Saatlı və İmişlidəki filialları, Azərbaycan Mikromaliyyələşdirmə Bankının baş ofisi ilə onun Bakıxanov filialı arasında çəkilib.
Oracle korporasiyasının rəsmi tərəfdaşı olan Smart Systems Technology 1999-cu ilin noyabr ayında yaradılıb, bank və maliyyə fəaliyyətinin kompleks avtomatlaşdırılması, informasiya sistemlərinin hazırlanması, bank və maliyyə sahələrində konsaltinq xidmətləri, internet xidmətlərinin göstərilməsi, müasir kommunikasiya avadanlıqlarının satılması və s. ilə məşğuldur.
