Azərbaycan, Bakı, 07 mart / Trend , müxbir S.Babayeva / Azərbaycanın Rabitə və İnformasiya Texnologiyaları Nazirliyi 900-dən artıq ailəni telefonla təmin edib. Bu barədə nazirliyin məlumatında dildirilib.
İstismara verilən telefon nömrələrinin ümumi sayı 960-a çatıb. Bütün nömrələr "Aztelekom" İB -yə aiddir.
"Aztelekom" İB Bakı şəhərini və bütün respublikanı (Naxçıvan Muxtar Respublikasından başqa) telefon, şəhərlərarası və beynəlxalq rabitə ilə təmin edir. Tərkibində 54 telekommunikasiya müəssisəsi, Bakı Beynəlxalq Telefon Qovşağı, Kabel Magistralının Texniki Qovşağı və Təmir-Tikinti Müəssisəsi birləşib.
2006-cı ildə Rabitə Nazirliyi ("Bakı Telefon Qovşağı" və "Aztelekom") 132488 telefon nömrəsi
istismara verib.
Hökumətin proqnozlarına görə, Azərbaycanda 2011-ci ilə qədər hər 100 nəfərə 19,8 ədəd telefon aparatı düşəcək. Hazırda bu rəqəm 15 ədəd təşkil edir.