Azərbaycan, Bakı, 19 may/ Trend , müxbir S.Babayeva/ Birinci rübdə Azərbaycanda istehal edilən İT məhsulunun və göstərilən İT xidmətlərin həcmi 47,6 faiz artımla 218,5 mln. manata çatıb. Bu barədə Azərbaycanın Dövlət Statistika Komitəsi məlumat verib.
Elektron-hesablama maşınları və informasiyanın işlənilməsi üçün digər avadanlıq sahəsində istehsal həcmi 4,5 dəfə, keçirici cihazlarda - 2,2 dəfə, nəzarət-ölçü cihazlarında - 3 dəfə, nəzarət aparatlarının quraşdırılması və texnoloji prosesin tənzimlənməsi - 2,4 dəfə, səsin, təsvirin qəbulu və yazılması cihazlarında - 3,7 dəfə, elektrik məişət mallarının və radio -televiziya aparatlarının topdan satışında - 2,3 dəfə, kompüter, periferiyalar, proqram təminatının (PT) satışı üzrə 2,1 dəfə, məsləhətləşmələr və PT-nin göndərilməsi - 52,7 faiz, elektrorabitə - 45,9 faiz, elektradioelementlərin istehsalında - 61 faiz artıb.
Yanvar-martda bu sahədə çalışanların sayı 27,3 min nəfər olub. Onların orta aylıq əməhaqqı 322,4 manat təşkil edib ki, bu da ötən ilin eyni dövrü ilə müqayisədə 38,4 faiz çoxdur.
