...

Azərbaycan Rabitə Nazirliyi informasiya təhlükəsizliyinin möhkəmləndirilməsi üçün işçi qrupu yaradıb

Telekommunikasiya Materials 12 İyul 2008 13:31 (UTC +04:00)

Azərbaycan, Bakı, 12 iyul / Trend , müxbir S.Babayeva/ Azərbaycanın Rabitə və İnformasiya Texnologiyaları Nazirliyi (RİTN) Azərbaycan prezidenti İlham Əliyevin teleyayımın genişləndirilməsi və efir məkanında informasiya təhlükəsizliyinin möhkəmləndirilməsi üzrə sərəncamından irəli gələn vəzifələrin həlli üçün işçi qrup yaradıb və tədbirlər planı hazırlayıb.

Nazirlikdən verilən məlumata görə, cümə günü dövlət idarəsində bu mövzu ilə bağlı operativ müşavirə keçirilib.

"Müşavirədə teleyayımın keyfiyyətinin yaxşalaşdırılması, əhatə dairəsinin genişləndirilməsi, efir məkanına xarici təsirlərin aradan qaldırılması, ölkənin bütün bölgələrində teleyayım prosesinin təkmilləşdirilməsi məsələləri nəzərdən keçirilib", - deyə Nazirlikdən bildiriblər.

Cümə axşamı imzalanan sərəncama əsasən, ölkədə televiziya yayımının efir dairəsinin genişləndirilməsi və efir məkanının informasiya təhlükəsizliyinin möhkəmləndirilməsi üçün Azərbaycanın Rabitə və İnformasiya Nazirliyinə 2008-ci ilin dövlət büdcəsində nəzərdə tutulan Azərbaycan prezidentinin Ehtiyat Fondundan 2,5 mln. manat həcmində vəsait ayrılıb.

Xəbər lenti

Xəbər lenti