Azərbaycan, Bakı, 27 avqust / Trend , müxbir S.Babayeva/ Azərbaycanın XIV BakuTel-2008 "Telekommunikasiya və informasiya texnologiyaları" beynəlxalq sərgi və konfransında 140-dan çox şirkətin iştirakı gözlənilir.
BakuTel-2008-in təşkilatçısı "İteca Caspian" şirkətinin verdiyi xəbərə görə, noyabrın 11-dən 14-nə kimi Heydər Əliyev adına İdman və Sərgi Kompleksində keçiriləcək sərgidə şirkətlər ziyarətçiləri İT-sahənin sonuncu nailiyyətləri ilə tanış edəcəklər.
Bu il sərgidə kommersiya şirkətləri ilə yanaşı, Koreyanın 10-dan çox şirkətini nümayiş etdirən Milli Stend də təqdim olunacaq. Sərgidə ilk dəfə olaraq ORT Ümumdünya Teleradioyayım Şəbəkəsi təqdim olunacaq
Şirkətdən bildiriblər ki, sərginin ən əlamətdar hadisəsi isə Regionlar üzrə Nazirlərin Görüşü olacaq. Azərbaycan Rabitə və İnformasyia Texnologiyaları Nazirliyinin təşkil etdiyi bu görüşün mövzusu - "Yüksək sürətli TransAvrasiya İnformasiya Magistralı" olacaq.
