Azerbaycan, Bakı, 10 noyabr / Trend , müxbir S.Babaeva/ Yanvar-sentyabr ayları ərzində Naxçıvan Muxtar Respublikasında (NMR) 17,2 milyon manatlıq rabitə xidməti göstərilib. Bu, 2007-ci ilin eyni müddəti üzrə göstərilən xidmətlə müqayisədə 51,5 faiz çoxdur. NMR-in Bakıdakı nümayəndəliyindən verilən məlumata görə, göstərilən xidmətlərin 80,8 faizi və ya 14 milyon manatı özəl şirkətlərin payına düşür, burada artım 56,4 faiz təşkil edib.
Təkcə Muxtar Respublikanın Rabitə və İnformasiya Texnologiyaları Nazirliyi təxminən 3,3 milyon manatlıq, 33,6 faizdən çox xidmət göstərib.
Nazirlik doqquz ay ərzində 2912 ədəd telefon xətti çəkib.
Muxtar Respublika Azərbaycanın qərb hissəsində yerləşir. Şimaldan və şərqdən Ermənistan, cənubdan və qərbdən Türkiyə və İranla həmsərhəddir. NMR-in ümumi ərazisi 5,5 kvadrat kilometrdir, əhalisinin sayı isə 360 min nəfərdən çoxdur. Paytaxtı Naxçıvan şəhəridir.
