Azərbaycan, Bakı, 03 dekabr/ Trend / Azərbaycanda CDMA standartlı ilk mobil rabitə operatoru Catel çərşənbə günü Fonex şəbəkəsində yeni "220" seriyasının istifadəyə verildiyini elan edib. Şirkətdən verilən məlumata görə, yeni seriyalı nömrələr dekabrın 1-dən satışa buraxılıb.
Operator artıq 200, 202, 203, 209, 210, 211, 212, 213, 215, 218, 404 və 418 seriyalı nömrələrə malikdir.
Catel Dünya Azərbaycanlılarının Həmrəylik Günü və Yeni İl münasibətilə yeni kampaniya da elan edib. Kampaniya çərçivəsində, 1 - 31 dekabr 2008-ci il tarixləri arasında, yeni 50% - lik endirim kampaniyası ilə Fonex şəbəkəsinin "qızıl nömrələri"ni əldə etmək mümkün olacaq. "Qızıl nömrələr" 300, 200, 150, 100, 75 manatadır.
1997- ci ildə yaradılmış Catel yerli telefon operatorlarından biridir, simsiz rabitə abonentlərinə (WLL) FH-CDMA standartında, mobil rabitə abonentlərinə 3G CDMA standartında simsiz rabitə xidmətləri təklif edir.
Şirkət 2004 - cü ilin avqustundan Azərbaycanda ilk dəfə olaraq Huawei şirkətinin avadanlıq bazasında CDMA 2000 1x üçüncü nəsil mobil rabitə texnologiyaları təqdim etməyə başlayıb.
2007-ci ilin aprelində şirkət bazara CDMA2000 standartında mobil rabitə xidmətlərinin göstərilməsi üçün yeni FONEX brendini çıxarıb.
Şirkətin CDMA şəbəkəsinin abunəçilərinin sayı 15 mindən çoxdur.