Azərbaycan, Bakı, 29 dekabr/ Trend / Dünyada qabaqcadan ödəmə sistemlərindən biri olan "SimSim"- in bu il 10 illik yubileyi münasibətilə Azərbaycanın mobil rabitə operatoru Azercell Telecom öz yeni abonentləri arasında "SimSim 10 il - Ailəmizin bayramı!" adlı kampaniya keçirib. Bu kampaniya çərçivəsində 1 nəfər "Azercell" abonenti Bakı şəhərində 2 otaqlı mənzil, 10 abonent 1 milyon konturun sahibi olub. Şirkətin məlumatında bildirilir ki, dekabrin 26 - da "Azercell Telekom" MMC-nin baş ofisində kampaniyanın qaliblərinə hədiyyələrin təqdimetmə mərasimi keçirilib. Şirkətin vitse -prezidenti Ali Ağan qalibləri təbrik edərək, hədiyyələri təqdim edib.
"Sim Sim 10 il - Ailəmizin bayramı!" adlanan kampaniyası bu il noyabrın 1 - dən dekabrın 19 - dək davam edib. Kampaniyada "Azercell" şəbəkəsinə yeni qoşulan SimSim abonentləri iştirak ediblər.
Kampaniyanın qalibi olmuş "Azercell" abonentləri:
Aydın Qeybulla - 2 otaqlı mənzil
Elmira Fəzilova - 1 milyon kontur
Aliyə Ələkbərli - 1 milyon kontur
Rahim Mustafayev - 1 milyon kontur
Elnur Əhmədov - 1 milyon kontur
Kamal Səfiyev - 1 milyon kontur
Rəhman Quliyev - 1 milyon kontur
Sultan Sultanov - 1 milyon kontur
Atlas Mahmudova - 1 milyon kontur
Mətləb Ələkbərov - 1 milyon kontur
Rəşad Məmmədov - 1 milyon kontur
Bu gün Azercell Telecom ölkəninən böyük GSM operatorudur və 3,5 mln. abonentə xidmət göstərir.