Azərbaycan, Bakı, 19 yanvar/ Trend , müxbir S.Babayeva/ Azərbaycanda 2008-ci il ərzində təşkilatlara və əhaliyə 925,7 mln. manat həcmində rabitə xidməti göstərilib ki, bu, 2007-ci ilin analoji göstəricisi ilə müqayisədə 28,2 faiz çoxdur. Bu barədə Dövlət Statstika Komitəsindən məlumat verilib. Ümumi rabitə xidmətinin 71,8 faizi əhaliyə göstərilən xidmətlərin payına düşüb.
Ümumi gəlirlərdən 71,8 faiz mobil rabitənin payına düşüb. Bu göstərici də 30,1 faiz artıb.
Quba-Xaçmaz iqtisadi rayonunda rabitə xidmətinin həcmi üzrə artım 16,4 faiz, Şirvanda 29,8 faiz, Şəki-Zaqatalada 17,8 faiz, Lənkəranda 15,4 faiz, Abşeronda 15,5 faiz və Gəncə-Qazax iqtisadi rayonunda 13,2 faiz təşkil edib.
Məqalə müəllifi ilə əlaqə ünvanı - [email protected]
