Azərbaycan, Bakı, 04 mart / Trend , müxbir S.Babayeva / Ölkənin Rabitə və İnformasiya Texnologiyaları Nazirliyindən verilən məlumata əsasən, Azərbaycan aprel ayından etibarən Tacikistan və Özbəkistanla pul köçürmələri xidmətində MTF/STEFI sistemini tətbiq etməyi planlaşdırır.
"Sözügedən ölkələrin poçt administrasiyaları ilə razılıq bir neçə il əvvəl əldə olunub. Test pul əməliyyatlarına isə bu il başlanılıb və bu günədək davam edir", - nazirlikdə deyiblər.
STEFI (Secured Transfer of Electronic Financial Information) - Ümumdünya Poçt İttifaqının pul köçürmə sistemidir.
"MTF/STEFI pul köçürmə sisteminin Tacikistan və Özbəkistana tətbiqinin yubadılması iki Orta Asiya ölkəsində lazımi infrastrukturun olmaması ilə bağlı idi", - nazirlikdə bildiriblər.
"Azərpoçt" dövlət müəssisəsi MTF/STEFI sistemi üzrə Rusiya, Moldova, Belarus, Ukrayna, Qazaxıstan və Birləşmiş Ərəb Əmirlikləri ilə pul köçürmələri həyata keçirir.
Məqalə müəllifi ilə əlaqə ünvanı: [email protected]