Azərbaycan, Bakı, 14 may / Trend , müxbir S.Babayeva /
Birinci rüb ərzində Azərbaycanın nəqliyyat müəssisələrində muzdlu işçilərin sayı 1,4 min nəfər artaraq 70,7 min nəfər təşkil edib. Bu barədə Dövlət Statistika Komitəsi məlumat verib.
İşçilərin 60,7%-i yol nəqliyyatı, 13,5%-i su, 12,3%-i hava və 13,5%-i yardımçı müəssisələrdə məşğuldur.
İşçilərin orta aylıq əmək haqları 33,4% artaraq 358,3 manat təşkil edib. Orta əmək haqqı hava nəqliyyatında 736,6 manat, su nəqliyyatında 499 manat, dəmiryol nəqliyyatında 196 manat və avtomobil-yol nəqliyyatında 328,5 manat təşkil edib.
Bu müddət ərzində Azərbaycanda rabitə sahəsində çalışanların sayı 2,4% artaraq 23,2 min nəfər təşkil edib. Hər bir rabitə işçisinin orta aylıq əmək haqqı 6,5% artaraq 395,8 manat təşkil edib. Özəl müəssisə işçilərinin əmək haqları dövlət sektoru ilə müqayisədə 3,5 dəfə çoxdur.
Məqalə müəllifi ilə əlaqə ünvanı: [email protected]
