Azərbaycan, Bakı, 01 iyun / Trend /
1 iyun 2009 il tarixindən Azərbaycanın GSM operatoru Azerfon (ticarət nişanı Nar Mobile) öncədən ödənişli tarif planları abunəçiləri "Bonus Mövsümü" kampaniyasından yararlana bilərlər.
Aksiyanın şərtlərinə əsasən, abunəçilər balanslarını 5 AZN və ya daha artıq məbləğlə artırdıqları halda ölkə daxilində bütün istiqamətlərə 350 dəqiqəyə və 50 SMS-ə qədər pulsuz bonuslar əldə etmək imkanını qazanmış olacaqlar.
|
№ |
Nar Kart ilə ödənilən məbləğ |
Köçürmə və ya nəğd pul vəsaiti ilə ödənilən məbləğ |
Bonus dəqiqələri |
Bonus Sms |
|
1 |
5 manat |
5-dən 9.99 manata kimi |
20 |
5 |
|
2 |
10 manat |
10-dan 19.99 manata kimi |
60 |
10 |
|
3 |
20 manat |
20-dən 49.99 manata kimi |
130 |
20 |
|
4 |
50 manat |
50 manat və daha çox |
350 |
50 |
Abunəçi istənilən an *777#20#Yes sorğusunu yığmaqla bonusların mövcud statusunu öyrənə bilər. Nar Mobile abunəçiləri balansın artırılma üsulundan asılı olmayaraq "Bonus Mövsümü" aksiyası çərçivəsində bonuslar əldə edirlər. Hər balans artırıldıqdan sonra abunəçiyə əldə etdiyi bonuslar haqqında bildiriş mesajı göndərilir.
Balans bir neçə dəfə artırdığı halda bütün pulsuz dəqiqə və SMS-lər cəmlənir və balansa hesablanan andan 30 gün müddətində etibarlıdır.
AZERFON MMC şirkətinə ölkədə GSM standartlı mobil rabitə xidmətləri göstərilməsi üçün Azərbaycan Respublikasının Rabitə və İnformasiya Texnologiyaları Nazirliyi tərəfindən 30 dekabr 2005-ci il tarixli lisenziya verilib. Şirkət öz kommersiya fəaliyyətinə 21 mart 2007-ci il tarixində Nar Mobile ticarət nişanı ilə başlayıb.
Nar Mobile şəbəkəsi Azərbaycanın 80% əhatə edir. Hazırda Nar Mobile şəbəkəsindən 1 200 000 çox abunəçi istifadə edir.