Azərbaycan, Bakı, 02 iyul / Trend , müxbir Q.Vəliyev /
Bakı metropoliteni metronun nəqliyyat xidmətlərinin ödənilməsi üzrə nəğd pul vəsaitlərinin qəbulu üçün nəzərdə tutulan özünəxidmət ödəmə terminallarının quraşdırılmasını həyata keçirir. Bu barədə Trend -a cümə axşamı Bakı metropoliteninin sərnişindaşıma şöbəsinin baş mühəndisi Etibar İsayev bildirib.
İsayevin sözlərinə əsasən, hazırda sözügedən terminallar "Elmlər Akademiyası", "28 May" və "İçəri Şəhər" stansiyalarında quraşdırılıb.
Ödəmə terminalları proqramlı-texniki kompleksdir, onun köməyi ilə Bakı metropoliteninin xidmətləri üzrə nəğd pul hesabları həyata keçirilir.
Yeni terminallar kağız əskinas - bir və beş manat kimi, 20 və 50 qəpikliklərin qəbulu yolu ilə nəqliyyat kartlarına lazımı sayda gedişin yüklənməsinə şərait yaradır. Terminala ötürülən informasiyanın yoxlanılmasını həyata keçirən ödəmə sistemi sərnişinin plastik kartındakı gedişlərin sayını hesablayır.
Metropolitenin planına əsasən, ilin sonuna kimi Bakı metropoliteninin bütün stansiyaları sözügedən qurğu ilə təchiz edilməlidir.
Məqalə müəllifi ilə əlaqə ünvanı: [email protected]
