Azərbaycan, Bakı, 09 iyul / Trend , müxbir Q.Vəliyev /
"Azərbaycan Milli Elmlər Akademiyasının Fizika İnstitutunun nəzdində Yüksək Texnologiyalar üzrə Tədqiqat Mərkəzi (YTTM) yaradılıb", - cümə axşamı Trend -a YTTM-in direktoru Sevda Abdullayeva deyib.
YTTM-in yaradılmasının təşəbbüskarı Azərbaycan Höküməti, xüsusilə Rabitə və İnformasiya Texnologiyaları Nazirliyidir.
Abdullayevanın sözlərinə görə, YTTM-in yaradılması elmtutumlu texnologiyalar, xüsusilə nanotexnologiyaların praktiki tətbiqinin nailiyyətidir. YTTM rəhbər, elmi-tədqiqat, texniki, marketinq və təsərrüfat şöbələrindən ibarətdir. Mərkəzin əməkdaş ştatı 23 nəfərdir.
Hazırda YTTM əsasında hidrogen, sensor, səyyar emissiya displeylərinin saxlanması üçün ideal şərait yaradılan, həmçinin nanoölçən yarımkeçirici qurğular və nanoşəbəkələr hazırlanan karbon nanotexnologiyalar sahəsində elmi-tədqiqat işləri həyata keçirir.
Mərkəz həmçinin ağ fosfor işığının (işıq diodları) yeni mənbələrinin əldə edilməsi üzrə işlər aparır. Bu həm ekoloji, həm də maliyyə nöqteyi-nəzərindən çox sərfəli olan, dekorativ və ümumi işıqlandırmada istifadə olunan vasitələrdir. Hazırda onların optik parametrləri közərtməsi lüminisent lampaları ilə müqayisədə xeyli yüksəkdir. Nəzərə alsaq ki, dünyada elektrik enerjisinin 25-30 faizi işıqlandırılmaya sərf olunur, o zaman birinci plana minimum enerji sərf edən yeni işıq mənbələrinin yaradılması və istifadə olunması çıxır.
Həmçinin hazırda YTTM tərəfindən bionanotexnologiyalar sahəsində işlərə başlanılıb. Belə ki, nanoboruların molekulyar modelləşdirilməsi və karbon nanoquruluşların hibrid DNT-lərinin tədqiqatı işlərinə başlanılıb. İşlər molekulyar dinamika və kompüter modelləşdirilməsi metodlarının tətbiqi ilə aparılacaq.
Məqalə müəllifi ilə əlaqə ünvanı: [email protected]