Azərbaycan, Bakı, 28 sentyabr / Trend , müxbir H.Vəliyev/
"Akgün Yazılım" şirkətinin məlumatlar bazasının idarəetmə sistemi "Elektron sağlamlıq kartı" layihəsində tətbiq ediləcək. Bu barədə Trend -a "Akgün Yazılım" şirkətindən məlumat verilib.
Tibb müəssisələrinin "Akgün Yazılım" informasiya sistemi Səhiyyə Nazirliyinin səhiyyənin milli informasiya sisteminə keçidinə dəstək üçün yaradılıb.
Layihənin 2010-cu ilin sonunadək reallaşdırılması nəzərdə tutulub. Layihənin məqsədi məlumatların toplanması və onların bir mərkəzdən idarə olunmasıdır. Bu, respublikanın tibb məntəqələrinin statistik məlumatlarına ani girişə imkan verəcək. Bütün məlumatlar VPN şəbəkələri vasitəsilə DATA mərkəzinə daxil olacaq. Tibbi müayinədən keçən vətəndaşlara identifikasiya nömrəsi veriləcək. Bu nömrə vasitəsilə onların sağlamlığı, keçirdikləri xəstəliklər barədə məlumatlara və müayinə məlumatlarına giriş əldə etmək olar.
Müalicə müəssisələri üçün "Akgün Yazılım" kompleks həllə, həmçinin maliyyə strukturlarının idraə oluna bilməsini təmin etməyə və müalicə üzərində nəzarəti sürətləndirməyə imkan verəcək.
Məlumatlar bazası müntəzəm olaraq bilavasitə tibb müəssisələri tərəfindən təkmilləşdiriləcək.
Kartda informasiyaya girişə müalicə həkimi, təcili yardım həkimi, inzibati və sığorta təşkilatları üçün ciddi surətdə sərhəd qoyulacaq.
Məqalə müəllifi ilə əlaqə ünvanı: [email protected]
