Gürcüstan, Tbilisi, 29 oktyabr / Trend , müxbir N.Kirsxaliya/
"Gürcüstana daha çox sərmayədarın gəlməyini istəyiriksə, informasiya texnologiyalarını inkişaf etdirməliyik", - yeniləşdirilmiş informasiya texnologiyalarına həsr edilmiş illik konfransda iştirak edən Gürcüstanın Baş naziri Nika Qilauri jurnalistlərlə söhbətində deyib.
"Əgər biz daha çox sərmayədar cəlb etmək və daha çox insanı işlə təmin etmək istəyiriksə, informasiya texnologiyalarını inkişaf etdirməliyik. Çünki XXI əsrdə heç bir müasir şirkət bənzər texnologiyalar olmadan fəaliyyət göstərmir", - o deyib.
İnformasiya Texnologiyaları və Kommunikasiya Biznes Şurası və Gürcüstanın Elektron İdarəçiliyin İnkişafı üzrə Dövlət Komissiyası yeniləşdirilmiş informasiya texnologiyalarına həsr edilmiş ikinci illik konfrans keçiriblər.
Konfransın məqsədi icitmaiyyəti informasiya texnologiyalarının sosial-iqtisadi inkişaf prosesindəki rolu barədə məlumatlandırmaq, biznes əlaqələrinin yaradılması və onların inkişafı, həmçinin regional əməkdaşlığın yeni yollarını axtarmaqdan ibarətdir.
Məqalə müəllifi ilə əlaqə ünvanı: [email protected]
