Azərbaycan, Bakı, 13 noyabr / Trend , müxbir H.Vəliyev/
Azərbaycan və Kuba informasiya-kommunikasiya texnologiyaları sahəsində müqavilə imzalayacaq. Bu barədə Rabitə və İnformasiya Texnologiyaları Nazirliyinin məlumatında deyilir.
Nazirliyin məlumatına görə, əməkdaşlıq haqqında sənəd rabitə və informasiya texnologiyaları naziri Əli Abbasovun Kubaya səfəri zamanı imzalanacaq.
Bu günədək Azərbaycan və Kuba arasında hökumətlərarası komissiyanın iki sessiyası keçirilib. Növbəti sessiyanın imzalanmış iki müqaviləyə uyğun olaraq 2010-cu ilin mart ayında Havanada keçirilməsi nəzərdə tutulur. Gələcəkdə daha doqquz müqavilənin imzalanması gözlənilir.
İkitərəfli münasibətlərdə telekommunikasiya və poçt rabitəsi sahəsində əməkdaşlıq nəzərdə tutulur. Kuba bu sahədə Azərbaycanın təcrübəsini öyrənmək niyyətindədir.
Məqalə müəllifi ilə əlaqə ünvanı: [email protected]
