Azərbaycan, Bakı, 6 mart / Trend , müxbir H.Vəliyev/
Azərbaycanın Vergilər Nazirliyində "bir pəncərə" sistemi vasitəsi ilə Niderlandın "Simbrella Group" şirkəti dövlət qeydiyyatından keçib ("Simbrella.az"). Bu barədə Nazirliyin rəsmi saytında yazılır.
Şirkət fevralın 12-də 100 avro nizamnamə fondu ilə qeydiyatdan keçib. "Simbrella Group" şirkətinin təsisçisi qismində Azərbaycan vətəndaşı Seymur Məmmədov çıxış edir.
Şirkət tərəfindən bu gün mobil telefonların İMEİ kodlarının verilənlər bazasının yaradılması layihəsi reallaşdırılır. Bu gün layihə normativ-hüquqi cəhətdən təsdiqini tapıb. Yeni qayda ilə əlaqədar müvafiq strukturların üzərinə Azərbaycan ərazisinə qanuni gətirilmiş avadanlığın İMEİ kodlarının ümumi reyestrə daxil edilməsi vəzifəsi qoyulur. Beləliklə, gələcəkdə bazada IMEI kodu olmayan avadanlığın satışı qadağan ediləcək.
Lahihə Azərbaycanın Nazirlər Kabineti tərəfindən təqdir olunub və bir sıra nazirlik və idarələrə layihənin reallaşmasının əsasını təşkil edəcək əlaqəli planın hazırlamaq barədə tapşırıq verilib. Sistemin təcrübə istismarına verilməsi bir neçə ay çəkə bilər. Belə ki, bunun üçün müəyyən avadanlıqların olması, bununla yanaşı bu gün artıq quraşdırılmış proqram təminatının olması tələb olunur. Bütün məlumatlar Dövlət idarələrindən birində yaradılacaq əsas mərkəzə daxil olacaq.
Yeni qaydaların köməyi ilə Azərbaycanda mobil telefon oğurluğu və qeyri-qanuni idxala qarşı mübarizə aparılacaq.
Mobil telefonların İMEİ kodlarının qeydiyyatının hüquqi bazasının qüvvəyə minməsindən sonra aparat proqram təminatına qoşulacaq. Və bu Azərbaycana qeyri-leqal telefon idxal edilməsinin qarşısını alacaq.
